Fuglavernd gætir hagsmuna náttúruverndar á opinberum vettvangi, ýmist á eigin vegum eða í samstarfi við önnur félagasamtök á sviði umhverfis- og náttúruverndar.  Hólmfríður Arnardóttir framkvæmdastjóri Fuglaverndar hefur verið tengiliður félagasamtaka á sviði umhverfis- og náttúruverndar við Umhverfisráðuneyti.

2019

08.11.2019 var Örn Þór Halldórsson skipaður fulltrúi umhverfisverndarsamtaka í samráðshóp um undirbúning og gerð strandskipulags fyrir Vestfirði á vegum Umhverfis- og Auðlindaráðuneytisins.

03. 09. 2019 voru skipaðir fulltrúar félagasamtaka á sviði umhverfisverndar í Loftslagsráð. Skipuð voru: Árni Finnson, Björn Guðbrandur Jónsson, Kristín Vala Ragnarsdóttir og Ragnhildur Freysteinsdóttir.

23. 05. 2019 var skipaður fulltrúi Fuglaverndar í ráðgjafanefnd um skipulag vatnamála. Ragnhildur Hemmert Sigurðardóttir var skipuð.

07. 03. 2019 var skipaður fulltrúi frjálsra félagasamtaka á sviði umhverfisverndar í hóp til ráðgjafar um umhverfisviðurkenninguna Kuðunginn. Stefán Erlendsson var skipaður.

14. 02. 2019 var skipaður fulltrúi frálsra félgasamtaka á sviði umhverfisverndar í stjórn loftslagssjóðs til tveggja ára. Hjálmar Hjálmarsson var skipaður.

08. 02. 2019 barst frá Umhverfisstofnun beiðni um að tilnefna fulltrúa í samráðsvettvang um ráðstöfun tekna af sölu veiðikorta. Halla Hreggviðsdóttir hefur verið tilnefnd. 2019BeidniUmTilnefninguVeidikortasjodur-verklagsreglur.pdf

15. 01. 2019 var skipaður fulltrúi frjálsra félagasamtaka á sviði umhverfisverndar í nefnd til ráðgjafar um endurskoðun á lögum nr. 106/2000 um mat á umhverfisáhrifum. Sigríður Droplaug Jónsdóttir var skipuð.

2018

25.10.2018 voru skipaðir fulltrúar frjálsra félagasamtaka á sviði umhverfisverndar í stjórn Vatnajökulsþjóðgarðs. Sævar Þór Haraldsson var skipaður aðalfulltrúi og Örn Þór Halldórsson var skipaður varafulltrúi.

29.06.2018 var skipaður fulltrúi frjálsra félagasamtaka á sviði umhverfisverndar í samráðsvettvang um aðgerðaáætlun í plastmálefnum. Rannveig Magnúsdóttir var skipuð.

03.05.2018 var skipaður fulltrúi frjálsra félagasamtaka á sviði umhverfisverndar í stýrihópinn: Hreint loft til framtíðar  – áætlun um loftgæði á Íslandi 2018 – 2029. Gestur Guðjónsson var skipaður.

22. 02.2018 var skipaður fulltrúi frjálsra félagasamtaka á sviði umhverfisverndar í nefnd til ráðgjafar um umhverfisviðurkenningu umhverfisráðuneytis; Kuðungurinn. Margrét Hugadóttir var skipuð. 

31.01.2018 var skipaður fulltrúi frjálsra félagasamtaka á sviði umhverfisverndar  í Vatnajökulsþjóðgarði.  Sigríður Stefánsdóttir var skipuð varafulltrúi í svæðisráð rekstrarsvæðis eitt, Sævar Þór Haraldsson var skipaður varafulltrúi í svæðisráð rekstrarsvæðis tvö, Örn Þór Halldórsson skipaður varafulltrúi í svæðisráð rekstrarsvæðis fjögur. 

18. 01.2018 var skipaður fulltrúi frálsra félagasamtaka á sviði umhverfisverndar í starfshóp um lagabreytingar 106/2000 um mat á umhverfisáhrifum. Árni Finnsson var skipaður.

2017

21. 11.2017 var skipaður fulltrúi frjálsra félagasamtaka á sviði umhverfisverndar í starfshóp á vegum umhverfisráðherra um bætt umhverfi endurvinnslu. Starfhópurinn skal skila tillögum fyrir 1. júní 2018. Hildur Hreinsdóttir var skipuð.

31.03.2017 var skipaður fulltrúi Fuglaverndar í samstarfshóp stjórnvalda um endurskoðun stjórnunar- og verndaráætlunar fyrir Mývatn og Laxá. Samráðshópurinn er á vegum Umhverfisstofnunar. Við tilnefndum Ragnhildi Sigurðardóttur.

27.02.2017 var skipaður fulltrúi frjálsra félagasamtaka á sviði umhverfisverndar í ráðgefandi nefnd um umhverfisviðurkenningu umhverfis- og auðlindaráðuneytisins. Ragnhildur Freysteinsdóttir, umhverfisfræðingur, starfsmaður Skógræktarfélags Íslands var skipuð.

9.02.2017 voru þau Snorri Baldursson (aðalfulltrúi) og Elín Erlingsdóttir (til vara) skipuð í ráðgjafarnefnd um stefnumarkandi landsáætlun til tólf ára samkvæmt 6. gr.laga nr. 20/2016. Skipunin er til þriggja ára en landsáætlun þessi fjallar um uppbyggingu innviða til verndar náttúru og menningarsögulegum minjum. Eru þau fulltrúar umhverfis- og náttúruverndarsamtaka sem eru aðilar að samstarfssamningi við umhverfis- og auðlindaráðuneytið.

 

2016

8.07.2016 voru þau Einar Þorleifsson (aðalmaður) og Þóra Ellen Þórhallsdóttir (til vara) skipuð í fagráð náttúruminjaskrár samkvæmt 15.gr. náttúruverndarlaga nr. 60/2013 til næstu fimm ára. Þau eru fulltrúar umhverfis- og náttúruverndarsamtaka sem eru aðilar að samstarfssamningi við umhverfis- og auðlindaráðuneytið. Fagráð náttúruminjaskrár skal vera Náttúrufræðistofnun Íslands til ráðgjafar um gerð tillögu um minjar á náttúruminjaskrá. Náttúrufræðistofnun Íslands annast umsýslu vegna starfs fagráðsins.

4.07.2016 voru Árni Finnsson og Lovísa Ásbjörnsdóttir tilnefnd fyrir hönd frjálsra félagasamtaka á sviði umhverfisverndar til setu í nefnd á vegum umhverfis- og auðlindaráðuneytis, sem greina á og kortleggja svæði innan svokallaðrar miðhálendislínu. Bréf 2016/07/04, Tilnefning í nefnd um miðhálendislínu.pdf

20.06.2016  var Hjördís Finnbogadóttir skipuð til þriggja ára í svæðisráð rekstrarsvæðis eitt í Vatnajökulsþjóðgarði í stað Sigþrúðar Stellu Jóhannsdóttur sem sagði sig frá því hlutverki. Hjördís er tilnefnd af umhverfis- og náttúruverndarsamtökum sem eru aðilar að samstarfssamningi við umhverfis- og auðlindaráðuneytið.

18.04.2016 var Laufey Hannesdóttir, verkfræðingur, tilnefnd af frjálsum félagasamtökum í starfshóp sem hefur það hlutverk að greina hvort í lögum og reglugerðum á sviðið umhverfis- og auðlindaráðuneytisins sé fjallað með nægjanlegum hætti um starfsemi vindorkuvera og framkvæmdir vegna þeirra. Gert er ráð fyrir að greining starfshópsins nái einnig til löggjafar á málefnasviði atvinnuvega- og nýsköpunarráðuneytisins er varðar leyfisútgáfu og eftirlit með starfsemi vindorkuvera.

2.04.2016 var Guðmundur Ingi Guðbrandsson, framkvæmdastjóri Landverndar, tilnefndur af frjálsum félagasamtökum á sviði umhverfisverndar í starfshóp sem hefur það hlutverk að gera tillögu að frumvarpi til að innleiða og breyta tilskipunum sem varða mat á framkvæmdum áhrifa á umhverfið.

19.02.2016  Jóhann Óli Hilmarsson er fulltrúi frjálsra félagasamtaka á sviði umhverfisverndar í samráðsnefnd um sjálfbærar veiðar. Fjallar nefndin um ráðstöfun tekna úr veiðirkortasjóði og er setan til þriggja ára – eða til 28. febrúar 2019. Jóhann Óli sagði sig frá störfum fyrir nefndina seint á árinu 2017 en var Böðvar Þórisson fengin til að taka við af honum í febrúar 2018.

19.02.2016  Kristinn Þorsteinsson er fulltrúi frjálsra félagasamtaka á sviði umhverfisverndar í nefnd sem veitir umhverfisviðurkenningu ráðuneytisins á degi umhverfisins 25.04.2016.

2015

03.09.2015 Guðmundur Hörður Guðmundsson og Sigmundur Einarsson eru tilnefndir til setu í stjórn Vatnajökulsþjóðgarðs fyrir hönd frjálsra félagasamtaka á sviði umhverfisverndar. Bréf 2015/09/03: Tilnefning í stjórn Vatnajökulsþjóðgarðs.pdf

20.08.2015 Alþjóðleg ráðstefna um vatnafugla, á vegum Waterbird Society, 15-20 ágúst 2017 og er Erpur Snær Hansen fulltrúi Fuglaverndar í undirbúningsnefnd, en Jóhann Óli Hilmarsson til vara.

19.08.2015 var Sigþrúður Stella Jóhannsdóttir skipuð í svæðisráð rekstrarsvæðis eitt í Vatnajökulsþjóðgarði en hún var tilnefnd af umhverfis- og náttúruverndarsamtökum sem eru aðilar að samstarfssamningi við umhverfis- og auðlindaráðuneytið – hún sagði sig svo lausa frá þessu hlutverki í apríl 2016.

19.08.2015 var Þórhallur Þorsteinsson skipaður í svæðisráð rekstrarsvæðis tvö í Vatnajökulsþjóðgarði en hann var tilnefndur af umhverfis- og náttúruverndarsamtökum sem eru aðilar að samstarfssamningi við umhverfis- og auðlindaráðuneytið.

19.08.2015 var Snævarr Guðmundsson skipaður í svæðisráð rekstrarsvæðis þrjú í Vatnajökulsþjóðgarði en hann var tilnefndur af umhverfis- og náttúruverndarsamtökum sem eru aðilar að samstarfssamningi við umhverfis- og auðlindaráðuneytið.

19.08.2015 var Ólafía Jakobsdóttir skipuð í svæðisráð rekstrarsvæðis fjögur í Vatnajökulsþjóðgarði en hún var tilnefnd af umhverfis- og náttúruverndarsamtökum sem eru aðilar að samstarfssamningi við umhverfis- og auðlindaráðuneytið.

26.02.2015  var Ásbjörn Ólafsson skipaður sem fulltrúi frjálsra félagasamtaka á sviði umhverfisverndar í nefnd sem veitir umhverfisviðurkenningu ráðuneytisins á degi umhverfisins 25.04.2015.

2014

20.11.2014 tók Jóhann Óli Hilmarsson fuglafræðingur við sem varamaður í ráðgjafanefnd um úthlutun úr veiðikortasjóði af frjálsum félagasamtökum á sviði umhverfisverndar fram til ársins 2015.

27.10.2014 var Jóhann Óli Hilmarsson skipaður sem fulltrúi Fuglaverndar í samráð um endurheimt votlendis á vegum umhverfis- og auðlindaráðuneytisins.

29.04.2014 var Hjálmar A. Sigurðsson tilnefndur sem fulltrúi Fuglaverndar í nefnd Bláfánans sem er verkefni sem Landvernd rekur.

26.2.2014 var tímaritið Fuglar tilnefnt til fjölmiðlaverðlauna Umhverfisráðuneytisins en Tímaritið Fuglar er ársrit Fuglaverndar. Það kom fyrst út á 40 ára afmæli félagsins 2003. Það hefur fest sig í sessi sem ársrit félagsins og er eitt af metnaðarfyllstu tímaritum sem gefin eru út á Íslandi um náttúru og umhverfi.

21.01.2014 tók Fuglavernd þátt í samráðsvettvangi vegna mótunar landsskipulagsstefnu 2015-2026. Hjálmar A. Sigurðsson stjórnarmaður í Fuglavernd er fulltrúi félagsins.

30.01.2014 var Gerður Magnúsdóttir starfsmaður Landverndar skipaður sem fulltrúi frjálsra félagasamtaka á sviði umhverfisverndar í nefnd sem veitir umhverfisviðurkenningu ráðuneytisins á degi umhverfisins 25.04.2014.

2013

8.11.2013 Ómar Ragnarsson var fulltrúi umhverfis- og náttúruverndarsamtaka á Umhverfisþingi 2013 en hér má lesa ræðu Ómars Ragnarssonar á Umhverfisþingi 2013.

30.01.2013 Jóna Fanney Friðriksdóttir stjórnarmaður Landverndar er fulltrúi frjálsra félagasamtaka á sviði umhverfisverndar í nefnd sem veitir umhverfisviðurkenningu ráðuneytisins á degi umhverfisins 25.04.2013.

2012-2013 Ragnhildur Sigurðardóttir var fulltrúi okkar í nefndinni sem sáum aðlögun regluverks um vatn að Evrópuregluverkinu sem var á vegum umhverfisráðuneytisins.

15.11.2012 Droplaug Ólafsdóttir líffræðingur var tilnefnd til tveggja ára í ráðgjafanefnd um úthlutun úr veiðikortasjóði af frjálsum félagasamtökum á sviði umhverfisverndar.

 

Síðast breytt: 25. nóvember 2019