Af fílum, flamingóum og furðufuglum

Myndir frá Tanzaníu með Jóhanni Óla og Óla Einars

Á góu í fyrra héldu þeir félagar Jóhann Óli Hilmarsson og Ólafur Einarsson í ævintýraferð til Tanzaníu. Þeir lentu í Arusha og héldu svo í marga misþekkta þjóðgarða og friðlönd, eins og Arusha, Tarangire, Manyara og Ndutu þjóðgarðana. Síðast en ekki síst Serengeti og hinn víðkunna Ngorongoro eldgíg sem er 90 km í þvermál.

Dýralíf er óvíða jafn mikið á nokkrum stað í heiminum en það er einstakt á þessum slóðum, bæði hvað varðar spendýr og fuglar og ýmislegt fleira. Þeir félagar tóku aragrúa mynda af lífríkinu og munu þeir sýna úrval myndanna og segja ferðasöguna.

Myndasýningin verður í sal Arion banka, Borgartúni 19, Reykjavík kl. 20:00-22:00 fimmtudaginn 26. febrúar.

Aðgangur að myndasýningum Fuglaverndar er innifalinn í félagsgjaldi, einnig fyrir fjölskyldumeðlimi í fjölskylduaðild.

Aðrir áhugasamir borga 1.000 kr.