Myndasýning – Úganda

Í október fyrir ári hélt Helgi Guðmundsson við annan mann til Úganda á slóðir mannapa og annarra kvikinda. Í ferðinni bar fyrir augu fjölda fugla og dýra.

Á myndasýningu í sal Arionbanka miðvikudaginn 20. nóvember kl. 20:00 ætlar Helgi að segja okkur frá þessari skemmtilegu og athyglisverðu ferð og sýna valdar myndir frá Úganda. Nærri 1100 fuglategundir hafa sést í landinu og þar er besti staður í heimi til að kynnast nánum ættingjum okkar, górillunum.

Mannlíf er og fjölbreytt og lá Helgi ekki á liði sínu við að mynda það meðfram dýralífinu.

Allir eru velkomnir

Frítt inn fyrir félagsmenn og 500 krónur fyrir utanfélagsmenn.