Vinnudagur í Friðlandinu í Flóa 2. maí

Sunnudaginn 2. maí stendur til að hafa vinnudag í Friðlandinu í Flóa frá kl. 11-14 ef veður leyfir. Helstu verkefni verða ruslatínsla og að dytta að húsum. Þeir sem hyggjast mæta eru beðnir um að senda tölvupóst á fuglavernd@fuglavernd.is og skrá sig, bæði af sóttvarnarástæðum og eins til að hægt sé að hafa nóg af verkfærum á staðnum. Fólk er beðið að mæta vel búið og með ruslatínur ef til eru, í stígvélum, með góða vinnuvettlinga og nesti þar sem ekki verða neinar veitingar í boði að þessu sinni. Miðað er við að allir sem hafa tök á mæti á eigin bílum af sóttvarnaástæðum.