Vorverk í friðlandinu í Vatnsmýrinni

Fyrirhugað er að hafa hinn árlega tiltektardag í fuglafriðlandinu í Vatnsmýri í Reykjavík  laugardaginn 9. apríl 2022. Þá plokkum við rusl, hreinsum til og dyttum að ýmsu til að gera allt klárt áður en fuglarnir byrja að verpa. Venjulega er mikið líf og fjör í fuglalífinu í Vatnsmýrinni á þessum tíma og margir farfuglar mættir.

Fólk er beðið að skrá sig með því að senda tölvupóst á fuglavernd@fuglavernd.is og tilkynna þátttöku.

Nauðsynlegt er að mæta vel búinn til útiverka, með vinnuhanska og best er að vera í stígvélum. Einnig er fólk hvatt til að taka með sér ruslatínur ef það á slíkan búnað

Fuglavernd leggur til ruslatínur nokkrar, glæra ruslapoka og félagsskap. Einng leggur Fuglavernd til hressingu fyrir röskt tiltektarfólk.

Allir velkomnir en munið að skrá ykkur fyrirfram á fuglavernd@fuglavernd.is