Græna gangan sumardaginn fyrsta

Sumardagurinn fyrsti 2026 verður tileinkaður náttúru Íslands á allan hátt!

Þetta verður baráttudagur náttúrunnar sem byrjar með öflugri grænni göngu í anda kröfugöngunnar miklu 2013. Við viljum að allir landsmenn sem komast láti sig ekki vanta og gangi með okkur í miðbænum með græna fána á lofti.

Öll náttúruverndarhreyfingin í landinu og önnur félög vinna hörðum höndum að stærstu náttúrugöngu sem haldin hefur verið í fjölmörg ár.

Fólk safnast saman við Hallgrímskirkju kukkan 13:00 og við byrjum að ganga niður á Austurvöll klukkan 13:30. á Austurvelli tekur á móti okkur hvatning til þess að halda náttúrunni okkar sem hæst á lofti í öllum málum því hún á undir högg að sækja og hún þarf fleiri raddir.

Við viljum að rödd náttúrunnar heyrist yfir holt og hæðir þennan dag og blási lífi í náttúruverndina á Íslandi inn í sumarið

Þetta er dagurinn sem allir ættu að taka frá!
Dagurinn sem við göngum fyrir náttúruna og framtíðina.