Loading Events

« All Events

  • This event has passed.

Leiðsögn II: um Friðlandið í Flóa

16.06.2019 @ 17:00 - 18:00

Frítt
Fuglaskoðun í Friðlandinu í Flóa.

Sjálfboðaliðar og félagar í Fuglavernd bjóða  á sunnudögum í júní uppá leiðsögn um Friðlandið í Flóa.

Sunnudaginn 16. júní 2019 kl. 17:00 verður boðið upp á fuglaskoðun í Friðlandinu í Flóa og leiðsögumaður að þessu sinni er Hlynur Óskarsson, sviðsstjóri rannsókna við Landbúnaðarháskóla Íslands.

Fuglaskoðunin hefst kl. 17:00. Brottför er frá fuglaskoðunarhúsinu sem stendur við bílastæðið í Friðlandinu. Gera má ráð fyrir um klukkustund til að sjá, heyra og upplifa fuglalífið í Friðlandinu.

Votlendisfuglar einkenna svæðið og eru bein tengsl við nálæg fuglarík svæði eins og fjöruna, Ölfusárós og Ölfusforir. Fuglalíf Friðlandsins í Flóa er sérstaklega auðugt og tegundaríkt á varptíma, en nærri 25 fuglategundir verpa þar að staðaldri. Einkennisfugl svæðisins er lómurinn.

Friðlandið í Flóa er votlendi sem hafist var handa við að endurheimta árið 1997 í samstarfi Fuglaverndar og sveitarfélagsins (nú Árborgar).  Lesa meira um Friðlandið í Flóa, gróður, dýralíf og starf Fuglaverndar á svæðinu.

Mikilvægt er að vera vel skóaður, í stígvélum eðan nær vatnsheldum skóm. Sjónauka og handbók um fugla er tilvalið að grípa með.

Hér er á ferðinni frábært tækifæri fyrir fjölskyldusamveru í lifandi náttúru og upplagður sunnudagsbíltúr fyrir alla fjölskylduna.

Allir velkomnir og aðgangur ókeypis.

Details

Date:
16.06.2019
Time:
17:00 - 18:00
Cost:
Frítt
Event Category:

Organizer

Fuglavernd
Phone:
5620477
Email:
fuglavernd@fuglavernd.is
Website:
www.fuglavernd.is

Venue

Friðlandið í Flóa
Floi bird reserve Ölfus 816 Iceland + Google Map