Fuglavernd er í samstarfi við og hefur fengið styrk frá ERF, Ecological Restoration Fund.

Starfssvæði ERF á Íslandi er skilgreint sem Suðurlandsundirlendið – sem nær til sveitarfélagsins Árborgar – ásamt Flóafriðlandinu, Ölfusárósa og Odda/Oddaflóðs.
Þetta er partur af stærra verkefni þar sem fókusinn er á búsvæði fugla sem nýta sér Austur-Atlantshafs farleiðina og á þeirri leið liggja m.a. Bretlandseyjar.
Á Íslandi mun verkefnið leggja áherslu á þrjá þætti í búsvæðavernd: Endurheimt votlendis, regluverkið í kringum endurheimtina og auka og efla starfsfólk Fuglaverndar sem mun síðan geta veitt fræðslu og stuðning við endurheimt í hvívetna.

Myndirnar á þessari síðu eru teknar af Nick Williams. Hann er fulltrúi hjá  RSPB um endurheimt votlendis á farleiðum fugla. umfjöllun hans á bloggi RSBP um fugla,  votlendi, framræslu og endurheimt votlendis á Íslandi má lesa á heimasíðu RSPB.