Loading Events

« All Events

  • This event has passed.

Dýradagurinn 2019

22.05.2019 @ 14:00 - 16:00

Vilt þú vekja athygli á umverfismálum á skemmtilegan og skapandi hátt? Þá er dýradagurinn fyrir þig!

Dýradagurinn er viðburður þar sem ungu fólki gefst tækifæri á að vekja athygli á umhverfismálum með kröftugri og litríkri skrúðgöngu.  Viðburðurinn er settur upp sem blanda af umhverfisfræðslu og skapandi vinnu með börnum og ungu fólki. Þátttakendur skapa búninga úr endurnýttum efnivið og ganga svo í skrúðgöngu. Þema göngunnar er málefni hafsins, sem endurspeglast í grímu-og búningum. Málefni hafsins eiga m.a. við um vanda eins og plastmengun í hafi, hnignun lífbreytileika, súrnun sjávar og dýr á válista. Skrúðgangan sameinar þannig umhverfismál og myndlist á einstakan hátt sem skapar jákvæð, uppbyggileg og sjónræn áhrif.

Dýradagurinn er byggður á hugmynd frá Roots & Shoots samtökum Jane Goodall í Taiwan og Argentínu sem kallast „Animal Parade“.

Dýradagurinn verður haldinn í fyrsta skipti á Íslandi 22. maí sem er alþjóðlegur dagur líffræðilegrar fjölbreytni.  Gengið verður í skrúðgöngu frá Laugarnesskóla yfir í Grasagarðinn þar sem skipulögð dagskrá tekur við.

Opnir viðburðir í aðdraganda Dýradagsins:
Þessir viðburðir eru opnir öllum almenningi og er ætlað að vekja athygli á Dýradeginum, Jane Goodall, málefnum hafsins og stuðla að skapandi vinnu fyrir þátttakendur

  •  14. apríl 2019. Skapandi búninga- og grímusmiðja sem undirbúningur fyrir Dýradaginn í Gerðubergi á Barnamenningarhátíð.
  • 11.-12. maí 2019. Skapandi búninga- og grímusmiðja sem undirbúningur fyrir Dýradaginn á Umhverfishátíð Norræna hússins.

 

Dagskrá Dýradagsins 22. maí

14:00-14:30 Nemendur klæða sig í búninga og safnast saman á skólalóð Laugarnesskóla

14:30-15:00 Gengið í skrúðgöngu inn í Grasagarðinn (Reykjavegi verður lokað tímabundið)
15:00-15:30 Dagskrá í Grasagarðinum, stutt ávörp, hugvekja frá nemendum og skemmtun.

Samstarfsaðilar í verkefninu eru Landvernd, Fuglavernd, Myndlistaskóli Reykjavíkur, Ragnheiður Maísól Sturludóttir, Norræna húsið og Reykjavíkurborg (þar á meðal Grasagarðurinn, Fjölskyldu og húsdýragarðurinn og Gerðuberg ásamt Barnamenningarhátíð).

Details

Date:
22.05.2019
Time:
14:00 - 16:00
Event Category:
Event Tags:
,
Website:
https://www.facebook.com/events/1249030261932414/

Organizers

Fuglavernd
Landvernd
Grasagarður Reykjavíkur

Venue

Grasagarðurinn í Laugardal
Grasagarður Reykjavíkur Laugardal
Reykjavík, 104 Iceland
+ Google Map
Phone
411 8650
View Venue Website